INPUMKHATNA VAWNG NUNG TUR LEH RAM LEH HNAM TANA INPEKNA RILRU PU TURIN ṬHALAITE A FUIH




Serchhip.  the 1st May, 2026

            Zanin dar 7 khan Chief Minister Pu Lalduhoma chuan Thenzawl Auditorium-ah Serchhip Sub-Headquarters YMA Inkhawmpui a hmanpui. 

            Chief Minister chuan hnam inpumkhatna chungchang sawiin, Manipur leh Chin Hills lamah Mizo nihna chungchangah harh tharna a thleng mek tih a sawi a; nimin lawkah pawh HPC-D (LF) ten ralthuam an tun tak avangin Mizoramah hnam pual hel pawl an awm tawh loh thu a sawi bawk. Hengte hi YMA-te thawhrah a nih thu sawiin YMA chungah lawmthu a sawi bawk a ni.

            Ṭhalaite fuihna thu sawiin, thalaite chu chhungril nun siam ṭha a, ruihhlo laka fihlim tur leh ram dang officer-te el pha tura National level competitive exam-te hmachhawn tam turin a fuih a, hlawhtlinna chang ngei thei turin taihmakna leh tumruhna nei turin a fuih bawk.

            Bial hmasawnna tarlangin sawrkarin hna lian tham a kalpui mekte a sawi bawk a, hmalakna langsar zual a sawi lante chu:

            1) Thenzawl Peace City Project leh SASCI Green Field City ruahmanna kalpui mek a ni. Thenzawl-ah hian Rail a luh thlen theih nan hmalak mek a ni.

            2) Biate PWD Sub Division thar hawn a ni tawh a, Arṭahkawn leh Biate inkar kawng, Tuipui lei leh kawngpui dangte siam ṭhat hna thawh a ni dawn.

            3) Sialhawk-ah Multipurpose Hall sak a ni dawn a, N. Vanlaiphai Augmentation of Water Supply Scheme pawh trial run neih mek a ni.

            4) Mat lui chu Multipurpose Dam tura khuah dan zawn mek a ni a.

            5) Aizawl leh Thenzawl inkar kawng chu National Highway nihtir tumin hma lak mek a ni bawk.

            Heng hnate thawhna tur atan hian pawisa pawh dah hran vek a nih tawh thu CM chuan sawiin, hmasawnna lo thleng zel tur atante hian ṭhalaite chu lo inbuatsaih sauh sauh turin a chah a ni.